Ble fyddwch chi’n mynd am dro? Yn y tudalennau canlynol da ni  am roi teithiau cerdded yn Llŷn, ond efo osgo ychydig yn wahanol. Da ni am wahodd pobol i ddweud wrthym am eu hoff le i fynd am dro. Beth mae nhw’n hoffi am y lle, be mae nhw’n weld ar y daith  a pam eu bod yn mynd.

Os oes gennych chi hoff le i fynd am dro yn Llŷn, mi hoffwn ni glywed gennych. Mi fyddai’n ychwanegiad diddorol i’r wefan. Yn ogystal a cael gwybod ble mae’r lle mwyaf poblogaidd i gerdded, mi allwn ni rannu ein teithiau ac efallai ffendio lle newydd i gerdded. Gadewch i ni wybod os ydi’r daith da chi’n mynd ar hyd iddi yn le da i wylio adar neu weld bywyd gwyllt yr ardal, neu os oes olion o hanes Llŷn neu unrhyw beth o ddiddordeb, neu lle i adael bwrlwm y byd o’i ol ac ymlacio’n llwyr a chael eich ysbrydoli gan harddwch naturiol yr ardal ydio.

Os hoffech chi gyfrannu i’r tudalennau yma, cymerwch olwg ar un o’n hoff lefydd ni i gerdded, sef Garn Boduan, mi roith hyn ryw fath o syniad o fformat yr erthyglau. Mi fydde’n ddifyr iawn clywed gan y rhai ohonoch sydd yn byw y tu allan i Llŷn, gael i ni gael gwybod be di apel y lle i chi (cofiwch i ni sydd yn drigolion Llŷn, wel nefoedd o le sydd yma !!)  Os oes na rai agweddau nag ydych yn hoff ohonyn nhw e.e ysbwriel, llygredd, llwybrau peryglus neu rywbeth sydd ddim yn plesio, cofiwch son amdano.  

Diolch yn fawr, Tony a Gwenllian.

Mynydd Rhiw

Ffynnon Saint Rhiw    Mynydd Graig Rhiw

Garn Boduan     Uwchmynydd    Yr Eifl