Cadair Eisteddfod Genedlaehol Eryri a’r Cyffiniau 2005.

Fel y gwyr pawb bellach ennilwyd Cadair yr Eisteddfod eleni gan Tudur Dylan Jones o Gaerfyrddin. Mae Dylan, ei wraig Enid a’r genod Catrin a Siwan yn treulio llawer o benwythnosau a gwyliau yma yn y Rhiw, wedi iddynt ail wneud bwthyn bach Bwlchgarreg, sydd wedi bod yn nheulu Enid ers ymron dwy ganrif bellach. Wrth ei ail wneud maent wedi llwyddo i gadw cymeriad yr hen fwthyn ac y mae hyn yn glod iddynt a’r adeiladwyr crefftus a medrus a ymgymerodd a’r gwaith sef y ddau frawd Osian a Dylan Jones, Tryfan.

Roedd llawenydd mawr pan ddatgelwyd enw ‘Drws y Coed’ ar ddiwedd y feirniadaeth a balchder mawr ym mhentref y Rhiw fod un o’n hogia ni wedi ennill y Gadair.  Ac anrhydedd o’r mwyaf oedd cael dweud fod Cadair yr Eisteddfod wedi bod ym Mwlchgarreg. cyn mynd i’w chartref sefydlog a chymeyd ei lle wrth ochr y Gadair ennillodd Dylan ddeng mlynedd yn gynharach yn Eisteddfod Bro Colwyn. 

Pan fu Cyngerdd Dathlu Penblwydd Neuadd y Rhiw ym mis Awst fe fu Dylan yn ein diddori ac fel rhan o’i arlyw ar gyfer y noson mi ysgrifennodd yr englynion canlynol am bentref Y Rhiw. Mwynhewch fel y gwnaethon ni.

**********