 |
 |
|
|
"Rysetiau Nadolig" Teisen
Nadolig. Defnyddiau
:- Pwys o
flawd, hanner pwys o ymenyn ac o siwgr gwyn man, pwys o rhesin Sultana, hanner
pwys o ryfon, wns o almonau, pedwar wy, a dwy lonaid llwy de o bowdr pobi. Curer yr
ymenyn yn hufen, ysgeintier y siwgr i mewn yn raddol, a thorer yr wyau, un ar
unwaith i mewn, gan guro a’r llaw yr holl amser; yna cymysger y blawd a’r
powdr a’u gilydd, a rhodder hwynt yn y cymysgedd. Bydded y rhesin a’r rhyfon
wedi eu pigo yn lan, a’r almonau wedi ei dirisglio a’u malu. Cymysger y
cyfan a’u gilydd yn ysgafn, a rhodder mewn ‘tin’ gyda phapur iredig ynddo.
Craser mewn pobty poeth. Wedi iddo oeri gellir rhoddi iaaeth drosto i’w
addurno. ~~~~~~~ Pwdin
Nadolig. Defnyddiau
:- Pwys o
friwsion bara, pwys o resin wedi ei digaregu, pwys o ryfon, hanner pwys o siwgr,
hanner pwys o swyf, hanner pergneuen, dwy wns o groen suryn grisialedig, hanner
wns o sinsir, a thri wy; dim llaeth na gwirod. Maler y
swyf, gratheller y pergneuen a’r sinsir, curer yr wyau, cymysger y cyfan o’r
defnyddiau gyda’i gilydd a rhodder mewn moldiau wedi ei hiro, gan ofalu eu
llenwi rhag i’r dwfr fynd i mewn; yna rhwymer llieiniau drostynt yn dyn;
berwer hwy am y cyntaf am bedair awr. Maent
yn well o’u gwneud yn gynnar, cadwent am wythnosau. Pan yn myned i’w
defnyddio, rhodder hwynt mewn dwfr berwedig, a berwer hwy am tua dwy awr.
Anfoner ‘ymenyn wedi doddi melys neu cwstard’, i’r bwrdd gyda hwynt. Doder
brigyn o’r celyn yn y pwdin wr ddydd Nadolig. ~~~~~~~ Pwdin
‘Dolig Nellie (Bay View). 3 neu 4lb o
Flawd Codi. 2lb o Siwgr. 2lb
Sultanas. 2lb Raisins 2lb
cyraints. 1 box mix
spice. Tun triog
du bach. 1lb
Margarine ( neu ½lb Atora Suet + ½ lb margarine). Rhwbio’r
marg i’r blawd ac ychwanegu’r siwgr, ffrwythau a’r speis. Gwneir hyn
y noson gynt os yn bosibl. Toddi’r
triog efo dwr poeth a’i oeri efo llefrith a chymysgu’r cyfan yn dda a’i
roi mewn clwt. Gwyluchu’r clwt mewn dwr cynnes a rhoi blawd arno cyn ychwanegu
‘r pwdin, mae hyn yn help i’r pwdin beidio sticio i’r clwt. Ei ferwi am
4 ½ i 5 awr ( mewn boiler) gan
gofio ychwanegu dwr berwedig bob hyn a hyn. ~~~~~~~ Pwdin
clwt Ellen Williams. I’w
fwyta’n oer fel cacen os dymunir. 8 owns
Blawd Codi. 4 owns
Siwgr Brown ( 5 yn well ) 4 owns o
fenyn wedi ei dorri yn dameidiau. ¾ lb o
ffrwythau cymysg. 1 Afal go
fawr wedi ei gratio. Halen 2 Wy. 4 owns
Briwsion Bara. Llond llwy
de o driog du. Mymryn o
Bicarbonate of soda am ei ben mewn cwpan dwr berwedig i’w doddi. Cymysgu’r
cyfan efo seidar neu lefrith. Dodi mewn
clwt a’i ferwi am dair awr a hanner.
|
|
~~~~~~~~~~~ Copyright © Rhiw.com |
