Yr Olwyn Ddŵr

Cofiaf hi dan genlli gwyn – a dŵr gwyllt

Ar ei gwar yn disgyn;

Heddiw i’w chafn tyfodd chwyn,

Rhydodd mewn drain a rhedyn.

~~~~~~~~

Cwmystradllyn

O gyfeirio’r goferydd, - rhannu gwin

Mae’r hen gwm ysblennydd,

A rhoi mwynaf ddŵr mynydd

I lawr gwlad yn rhad a rhydd.

~~~~~~~~~~

Sgert Mini

Efa’r ardd, fe’i cofir hi – a deilen

Hudolus amdani;

Un sy’n hoff o’i ffasiwn hi

Yw meinwen mewn sgert mini.

~~~~~~~~~

Map or Safle                Website Map