Crempog fy Mam

Rywsut onid yw’n resyn

Mawrth Ynyd heb laeth enwyn?

Aeth defnydd crempog yn ddiau

I faniau ffatri fenyn.

Un denau iawn ei deunydd

A bwnir inni beunydd;

Gwneir crempog pan fo’r dorth yn brin

I Robin ar fyr rybydd.

Mi gefais siawns adderchog

A minnau’n was newynog

I brofi crempog llawer un

O ben draw Llỹn i Chwilog.

Ond er yr holl grempogau

A brofais drwy’r blynyddau,

‘Rwy’n gorfod tystio yn ddi-nam

Mai crempog Mam fu’r orau.

~~~~~~~~

Map or Safle                Website Map