"Can i Griffith Thomas"

Mae Griffth Thomas Ael y Bryn

Yn haeddu pwt o gan.

Mae’n un o ddynion goreu Rhiw

Llawn ysbrydoliaeth lan.

Mae’n caru Duw a charu dyn

A charu’r wlad a’i iaith,

Ac wedi byw fel cristion mae

‘R hen Griff ar hyd ei daith.

Mae wedi gweled llawer tro

Ar fyd ar hyd ei oes,

A profedigaeth lawer gwaith

Yn rhoddi iddo loes.

Fe welodd golli gwraig a’i blant.

Ergydion cyflym cas

Doedd dim i’w wneud i leddfu’r boen

Ond plygu wrth orsedd gras.

Ond heddiw mae yn hapus iawn

Y fo a’i wyrion bach

A’r ferch yn cadw iddo’r ty

A pawb yn ryfeddol iach.

Os ydi croes ragluniaeth nef

Yn dod i ddrysu’r program

Mae heulwen rhwng cymylau du

Yn siwr o ddod i’r cadarn.

Os yw hi’n nos mewn bywyd dyn

Mae golau dydd yn dilyn

A thon ‘rol ton yn gwneud ei hoel

Mae un sydd yn amddiffyn

Boed inni roi yn cred yn hwn

Yr unig un sydd yn cymeryd

I’n cadw ar y llwybr cul

Sy’n arwain at baradwys.

           Willie ‘Reifion.

Map or Safle                Website Map