Iwan Llwyd a plant Edern

Ysgol Edern

Y Daith

Taith go serth

I fyny'r allt

A'r gwynt yn chwythu'n gwalltiau

Trwy'r pyllau dwr

A'r mwd a'r baw

Ond 'roedd hi werth y siwrne

I gloddio'r garreg

Goch o'r tir

A'i naddu'n offer inni

I dorri coed

I hela'r baedd

Llidiardau

Cerrig mawr a cherrig mân,

Blodau’r eithin fel gwreichion tân,

Sŵn y môr wrth droed y mynydd,

Ymhob tymor, ymhob tywydd.

Llanbedrog 

Ym Fudwr

Niwl ar y môr a'r gorwel yn bell,

A Porth Neigwl yn dawel,

Yn y galon cyffro’n hel,

Ai hadlais ar yr awel.

Crud y Werin

Ar Fynydd Rhiw mae eithin melyn,

Ar Fynydd Rhiw mae cân aderyn,

Ar Fynydd Rhiw mae cerrig llwydion,

A naddwyd gynt gan ddwylo dynion.

Ar Fynydd Rhiw mae waliau cryfion,

Ar Fynydd Rhiw mae hen alawon,

Ar Fynydd Rhiw yr ydym ninnau

Yn cyfansoddi rhai benillion.

Sarn Bach

Y grug yn cuddio’r garreg

Ond daw i’r fei yn ara deg

Hen stori’r ffermwyr cyntaf

A hwyliodd draw ar donnau’r Haf

A gliriodd a’i bwyelli

Fforestydd a choed di-rif

A throi y tir yn dir da

Yn barod i’r cynhaeaf

Nes down i Fynydd Rhiw

Yn fyddin ifanc heddiw

A down a’i hanes nhw yn ol

Agoriad i’r gorffennol.

Foel Gron 

Cerrig dan rug ac eithin a pren,

Cerrig oer a mwd a mynyddoedd,

Cerrig y môr yn y gwynt a’r glaw.

Tudweiliog

Heibio i Drwyn Cilan i Borth Neigwl,

A Garn Fadryn yn edrych i lawr.

Ar ein cychod bychain yn cyrraedd

Drwy’r llanw a’r tonnau mawr.

Yna ei chychwyn i ben y mynydd

I gloddio am y cerrig cryf,

A’i naddu yn fwyell a chyllell

I glirio’r tir ac i godi tŷ

Pont y Gof

Mynydd Rhiw

Mae'n wyntog ar ben mynydd Rhiw,

A'r môr islaw yn ffyrnig

A'r eithin melyn erbyn hyn,

A'r grug yn cuddio'r cerrig

Lle dueai'r ffermwyr cynta 'rioed,