"Can y Butcher II"

Hen gariwrs lon newydd a glywsoch chi son

Am sgarmes y butcher wrth fynd hyd y lon

Nid wiw imi weiddi na llefain yn groch

Rhag digio Talafon a Evan Plas Coch.

Yfasant o gwrrw a gwirod yn ffri

Wrth fyned y boreu ym mharlwr Ty Du.

Ond wrth ddyfod adref cawd dogyn rhy fawr

Nes aeth car y butcher ai wyneb i lawr.

Mae rhai yn darogan yn burion rwy’n dallt

Mae meddwi wnaeth y butcher ag Evan Penrallt

Mae’r ddau yn llesmeitan a chwarae efo’r coch

Er cerydd a chyngor y brawd o Blas Coch.

Hugh Williams Talalfon roes gyngor mewn pryd

Mai gwell fyddai pasio heb stopio’n y Rhyd

Ond ni thalai hynny gan ddau o’r hen griw

Sef butcher ac Evan o waelod y Rhiw.

Mae misus yn gaddo hi’n erwin o hallt

Os byth caiff hi afael ar Evan Penrallt

Bydd croen ei fochgernau’n gryniadau i gyd.

Am feddwi hefo’r hen futcher yn nhafarn y Rhyd.

Mae Twm wedi teithio blynyddoedd heb rif

Ond chlywais erioed iddo fynd ar ei sbri

Ond mae yn dechrau arni yn burion rwy’n dallt

Ar slei ac ar snake efo caseg Penrallt.

Y cerbyd a’r harness sydd allan o drefn

A’r gost sydd aruthrol i’w trwsio drachefn

Nid yw ond oferedd nol barn dyn fel fi

Os na seinith Guto ei enw’n T T.

~~~~~~~

Map or Safle                Website Map