 |
 |
|
|
Llythyrau
Tyddyn y
Gaseg Tyddyn y Gaseg
1870, fy annwyl fab hynaf, Sion Glyn, Mr. Jones, y
gweinidog yn garedig gynddeiriog sy’n sgwennu y geiria’ fan hyn. Erbyn hyn mae
dy frodyr i gyd wedi gadael am Loegar i chwilio am waith, A’r Tyddyn yn
unig a’th fam yn hiraethu, nosweithiau yn dawel a maith. Ond mae Buddug
dy chwaer di a Jac Tyddyn Isa’ yn sôn a briodi’n yr haf, Tybed a fedri
di ddod draw i’r briodas? Mi
fydda dy weld ti mor braf. Tyddyn y Gaseg
1880, fy annwyl fab hynaf Sion bach, Cyfarchion
i’th gymar ag i’r pedwar plantyn, gobeithio y tyfan nhw’n iach. Mae Robin dy
frawd mewn ychydig o helynt, un byrbwyll a fuo fo ‘rioed. Y gaeaf yn
galed yma’n Uwchaled, a Chicago mor bell ac erioed. Ac mae Jac
Tyddyn Isa a Buddug yn hapus, a’r plant yn iach ac yn gry’, Mae’r hynaf
yn cropian, yn crwydro i bobman -
mae nhw’n deud fod o’n debyg i ti. Tyddyn y Gaseg
1890, fy annwyl Robin, a Glyn. Drwg calon
gennyf yw torri y newydd fod eich annwyl fam wedi mynd. Daeth ei brodyr
a Buddug a Jac Tyddyn Isa i’w chladdu ym mynwent y Llan, Mae pawb yn
garedig, Jac yn enwedig, ond ‘r hogia ‘di colli eich mham. Mae yn dda gen
i glywed fod Robin yn dychwel efo’r arian, fe all brynu tir, A titha
Sion Glyn ar ol amsar fel hyn? Efalla
doi dithau cyn hir. Tyddyn y Gaseg
1892, fy annwyl frawd Glyn, Drwg calon
gennyf yw gorfod sgrifennu rhyw eiriau digalon fel hyn. Fe hunodd ein
tad ni ar ddechra mis Ebrill, mae’n gorwadd wrth ochor ein mam. Aeth Buddug
a’r teulu, Glyn bach a finna, i’w gladdu ym mynwent y Llan. Mae Buddug yn
deud fod o’n siarad amdanat tan y diwadd, ag
ynta’ mor wan. Fe hoffai y
teulu a llawer o’th ffrindia’ dy weld ti yn ôl yn y Llan, Ac mae Buddug
yn deud fod o’n siarad amdanat tan y diwadd, ag ynta’ mor wan, Ac fe hoffai y
teulu a llawer o’th ffrindia’ dy weld ti yn ôl yn y Llan. ~~~~~~
|
|
Copyright © Rhiw.com |
