"Y Stampid"

Rol cinio Gwyl Sant Steffan

Daeth galwad ar y ffon

I Rhian gwraig Bodwyddog

"Mae’r gwartheg ar y lon"

"A myned maent fel mellten

I lawr am Bont Ty Rhyd,

Nid dwy neu thair ohonynt,

Ond degau-am stampid.

Pan basient heibio Tryfan

I’w got y rhuthrodd Vaughan,

A ffwrdd ag ef trwy’r caeau

I’w dal i lawr y lon.

Ond er ei "rugby training"

Ni chafodd flaen ar rhain,

Yn ol i’r lon fe ddringodd

Dros wifren, clawdd a drain.

Ac yna cafodd syniad

Wrth ymyl Pont Ty Rhyd-

"Caf fenthyg beic gan Robat

Fe’u daliaf nhw i gyd"

Pan oedd yn ymyl Blawdty

Daeth Wil mewn tymer gas,

A Dei a Gruffydd Owen

A Rheinallt Jos y gwas.

Ond er y dynion cryfion

A’r gyrru fel y gwynt,

Ymlaen yr ai y gwartheg

A hynny’n gynt a chynt.

Fe basiwyd Siop Pencaerau

Ty’r Efail hefyd do,

Ai’r Morris bach trwy’r ffosydd

A Wil bron mynd o’i go.

I lawr am allt y Geufron

Y gwibiai’r gwartheg ffol,

A’r cowbois ar eu holau

Heb obaith troi yn ol.

O’r diwedd fe ddaeth blinder

I leddfu’r gwartheg ffol,

Troi mewn wnaeth rhai ohonynt

I orffwys ar y ddol.

Ymlaen yr aeth y gweddill

Am Morfa Mawr ar ras,

A Wil yn dal i ddilyn

O hyd mewn tymer gas.

Daeth diwedd ar yr helynt

Rol rhedeg bron i awr,

Fe lwyddodd Wil i’w pasio

Yn ymyl Morfa Mawr.

A’u troi yn ol am adref

A wnaeth’rhen Wil yn syth,

Yn wir’roedd wedi meddwl

Na ddaliai’r gwartheg byth.

Yn araf iawn cychwynwyd,

Yn ol am adref nawr,

Y gwartheg yn glafoerio

A’u traed mewn poenau mawr.

Y dyrfa yn cynyddu

Wrth nesu tue thre

Daeth rhai o gaeau’r Penrhyn

Ar lleill- wyr neb o lle.

Cyrhaeddwyd fferm Bodwyddog

‘Rol teithio araf iawn,

Ac ar ol rhai trafferthion

Fe’u cafwyd hwy i mewn.

Wel dyma wers i William

I gau y giat yn dynn,

A pheidio beio David

Am ddigwydd peth fel hyn.

Cynghorwyd ef i brynu

Giat sydd yn cau ei hun,

Rhag digwydd hyn byth eto

I dorri ar hedd Pen Llyn!

Map or Safle                Website Map