Porth Neigwl, parth anhygar,--fan affwys,

Safn uffern ystrywgar ;

Hwrdd twrdd ton beisdon y bâr,

Niwlog erch, anial garchar.

Lle gerwin, hylla’ gorog, - terwynllais,

Taranllyd ddygyfor ;

Ni ryth dryghin y’ min môr,

Nawdd i long – ni ddeil angor.

Ei safn nodawl sy’ ofnadwy, - a chroch,

Ei chrychaidd ryferthwy ;

O gwna ‘i thwrdd gwrdd, a’i gorddwy

Lid les mawr, gwneled lais mwy.

Bloeddied, ystormied ei ‘sturmant – glau fawr

Glafoeried ewyngant ;

Llafared ei llifeiriant,

Rhüed y môr hyd ei mant.

Cyhoedded ar led oer li’ – a’i hudgorn,

Ei hadgas draethelli ;

Eled sain ei hadsain hi,

A’i bonllef heibio ‘i Enlli.

Ein llongwyr ni ollyngant – eu llestri,

Ei llais drwg pan glywant,

Eu cedyrn longau cadwant

Ar y dwr, i’r Road hwn ânt.

Goleu ar y Rhiw neu Gilan – fyddai

Foddus, fuddiol amcan ;

Tŵr eglur, tŷ rhywioglan,

Aelwyd teg, i gyfleu tãn.

Neifion f’o ar dywyll nifwl – geidwad

Gyda’i dridaint swmwl ;

Bob nos a dydd, dywydd dwl,

Yn agos i Borth Neigwl.

Safed ar dòn, was ufudd – a bloeddied,

B’o llwyddiant i’w rybudd ;-

Cadwch draw, rhag braw, rhwyg brudd,

Gythryblus, gwae a thrabludd.

Ei chynllun, le trochionllyd, - ni fedraf

Adrodd yn fy mywyd ;

Iddi ceir, mal y deiryd,

Anair gan bedair ban y byd.

Goffrom yw Ewrop ac Affrig, - wrthi

Erthwch mae Amerig ;

O geill hudo’n golledig,

Tyn Assia i ddalfa ddig.

Mae darpar, llachar wawl llon – ar Enlli,

Eirianllawr uwch eigion ;

Gyr olau, ar brydiau bron,

Er oerddu nos, i’r ‘Werddon.

Unlliw fo’th lewyrech Enllif, - ar wen haul

Arwain hynt y morllif ;

Dy olau uwch y dylif,

Gyfenwer "Lleuer y llif."

Lluserndwr, bentwr di bwl – anfon wawr

Yn fwyn ac yn fanwl ;

Felly’r hir gedwir o gwl

Safn agos ёofn Neigwl.

Er iddo wrychio o’r achos, - dwrdio,

A’i daerder aniddos ;

Pryd tymestlog, niwliog nos,

Prudd ing, para i ddangos.

~~~~~~~~~~~~